Букварь языка славенска, сирень начало учения детем,
хотящим учитися чтению писаний

К юношам, учитися хотящим

Отроче юный, от детства учися
писмена знати и разум потщися.
Не возленися трудов положити,
имать бо тебе полза многа быти.
Аще ся видит досадно труждати,
но сладко плоды трудов собирати.
Иже в юности труды полагает,
во дни старости в покое бывает.
Наипаче иже книгам научится,
о трудех честных превозвеселится.
Дар писание великий от бога,
тайна писмены является много.
Что сердце мыслити ум разсуждает,
то писание удобь извещает.
Безгласно убо, не зело явственно,
далее гласа бывает несенно.
Глас близ сущему слово возвещает,
писание же далеким являет.

62

Что кто далече сый напишет тебе,
то познаеши о всяцей потребе.
Писмены воля всех царя явися,
во писании мудрость заключися.
Юже аще кто имати желает,
писании мудрых да употребляет.

63