Гражданство обычаев детских

• Вопрос: Чин наказания детского колико части имать?
• Ответ: Три наипаче, первая есть еже младому уму семя благочествия христианского пояти, вторая - еже учения свободная любити и их учитися, последняя - еже о первых жизни своея начатков благолепным обычаем обучатися.
• Вопрос: Что есть гражданство?
• Ответ: Есть обычаев добросклонность и человекопочитательство.
• Вопрос: Почему знати то гражданство обычаев?
• Ответ: По уму добре умеренному.
• Вопрос: Ум же умеренный откуду знати?
• Ответ: От очес, от бровей, от чела вкратце рещи от лица и от всея телесе ипостаси.

О нравах на сретени¹

• В.: Что творити имать детище, аще кто е на пути чести достойный срящет?
• О.: С пути уступити, шапку честно сняти, аще же славный человек или достоинства яковаго будет имать, тому поклонитися.
• В.: Приличествует ли детищу сице мысли в себе, егда с ким честным на пути сретится, к чему мне пригодится сей незнаемый человек?
• О.: Не приличествует, понеже сию честь не человеку, но богу воздаем, иже противу лицу стару востати повеле и начальником или иереем сугубую честь воздаяти.
• В.: Егда убо и язычники: идеже он гдьствует², должно есть чествовати?

57

• О.: Должно есть, ибо (яко святый Павел глаголет) мы должны есмы честь творити всем, им же должна творитися: в сих словесех заключается и язычников началство, и Петр святый глаголет, яко долженствуем быти послушни не точию благим господом, но и злым.
• В.: Кому же долженствуем честь первую по бозе воздавати?
• О.: Родителем и учителем: овым, яко на свет ны породиша и ради нас многия труды и скорби подяша¹, сим же, яко мысли наша изрядншую часть человеческую с великими трудами учат и чистят.
• В.: Аще убо се есть человеколюбие, еже сверстники своя взаим честию предваряти?
• О.: И зело есть, понеже Павел святый пиша учит, еже честию друг друга болше себе творити, аще бо равного или меншого шапкою² (яко глаголют) или честю предварим сим не будем последнешни, но паче добронравши.
• В.: Како беседовати детище с болшими?
• О.: Яко с равными любезно и дружески глаголати имать, тако с большими честно и кротко: титлу³ достоинства им приличную часто имать усугубляти; и не имать отити от них, дондеже отпущение возмет или от них будет отпущен.
• В.: Пристоит ли книги или шапку под пазухою держати?
• О.: Не приличествует, дабы еси не носил⁴ (яко Горати глаголет) связкии хартии под пазухою, яко поселянин ягняте или пияная баба клубков краденыя вовны, но просто шапку в руках держати.
• В.: В беседовании с людми где очеса имут зрети?
• О.: На глаголющего с тобою имут зрети, яже имут быти приятный и просты и от них же ничтоже гордое и нечестное да явится, такожде убо семо и овамо очесы обращати знамение есть легкомыслия, в землю же зрети есть знамение злыя совести; кривозрети есть знамение гнусающаяся некиим.
• В.: Каковым названием кого имать сретати, егда с кем беседует?
• О.: Честным, аще же невесть титли сущия люди ученыя называти будет учителий, чести достойныя люди славныя незнаемыя будет называти, егда вся себе равныя, называти имать братию и другии.
• В.: Кия вещи в беседовании мерзки бывают?
• О.: Лице разными подобии (яко некоему протеусу⁵) изменяти, нос смарщивати, чело навесити, брови подвышати, устне выставляти, уста разевати или сжимати, главою потряса, власами трясти, без винь кашляти, покрякивати, главу почесывати, во ушесах угабляти, нос вытирати, по лицу потиратися, тыл у главы поглаживати, рамена расширят, главы повертанием на нечто носоизваляти, киванием главы втыл звати кого, краткоже глаголя поставою или киванием или некоим маанием с людьми глаголати.

58

• В.: В беседовании с людми кия вещи зело бесчестны суть?
• О.: Раменами шагати, перстами пребирати, с ноги на ногу шататися, всем тело прекланятися, речь кому пресецати первее, неже совершит ю.
• В.: Каков долженствует быти глас?
• О.: Приятный и тихи, некрикливы ниже понижен, даже бы ко ухе не дошел соглаголящему¹ тебе.
• В.: Каково имат быти глаголание?
• О.: Нескорое, дабы разума не предваряло, но протяжено и явственно и раздельно, еже природное заикивание и повторение словес направляти обычей².
• В.: Како детище (аще сего потреба случится) вещь какову, стыд или мерзость приносящую, именовати имать?
• О.: Ону стыдливым окружением слова³ назнаменует сию же прощение взем повеет.
• В.: Еже аще хотел бы если в умолчании или в потаении имети, кому имаши ввырити⁴?
• О.: Никому: понеже смешно есть, еже надеятися от кого молчания, его же сам в себе удержати не могл еси.
• В.: Что же наипаче дружество соединяет и приятство хранити обыче?
• О.: Обучение доброты, единыя вещи хотети и не хогети, общее благоволение, нравы всех человек носити и терпети, самолюбия не имети, не возноситися вышше иных, веры и знамения дружества древнего не вредити, благодеяния всегда памятствовати, приятелю усердно служати и угождати.

О обычаях во училищи како слушати чтения

• В.: Во училищи како должнствуют пребывати дети?
• О.: Должнствуют любити молчание и воздержание; никиим шептанием и беседами невежливыми пресецати чтения; сперещися должни, да не восприимут достойного наказания: егда будут наказуеми в должностях своих, гордо да не отвещавают и влекутся всякого возвышения и злобе слове или досады; облекутся же во остроумие охотное и податное ко учению, всегда прилежно ушесы готовыми да слушают, проповеданому им усердно да внемлют, иже им учитель повесть да не препустят мимо ушес и еже услышат, яко некое сокровище.

59

• В.: Что должен речи юноше многословному и неприлично велеглаголивому?
• О.: Не стыдитися ли (рече) из слоневых влагалищ меч свинцовый извлачати.
• В.: Что должнствуют творити дети, егда из училища отпустятся?
• О.: Скоро в дом да спешат; не бегом потекут, яко усмошевцы спешащий на торжище; не должнствуют воплствовати, яко оный стентор; ниже мятеж некий творити, аки неистовствующий кони, егда взыгратися им; ниже паки бегати подобает, яко скоту, семо и овамо: аще что в дому повелится им творити должни, то усердно и без роптания творити и содеяти, ко учению же паки не чрез понуждение, но усердно да возвратятся.

О игрании

• В.: Что потребна во игрании честным?
• О.: Благая мысль и умерение, не лесть, не лежа, не упорство, еже свары рождает, но мир - всякого блага мати.
• В.: Чего ради попущается играние?
• О.: Утешения ради и отрады смысла ученми тружденного, а не ради некоего приобретения.
• В.: Что украшает играние?
• О.: Постоянство, честное веселие, борзость, крепость смысла, чинелюбовь общая играти истинно и праведно ти, яко глаголют верно добротою и не кознию или ухищрением во игре тобе ждати.
• В.: Кия игры заповеданны суть?
• О.: Всякое костырство кости, карты, купание в воде.
• В.: Кая же убо упражнения суть честная и детем приличная?
• О.: Кубарь, мечик, кики, обучение телесе в труды, скоротечение, италийский мечик и нравыскакание различных скакати, яко коник или саранча травная, скакати обе нозе совокупив и на единой ноге и прочая.
• В.: Кое же убо собственнейшее есть одоление?
• О.: Самого себе победити, сего ради зело вяще есть уклонитися упрямства, нежели победу взяти.
• В.: Где наипаче познавается естество или острога детская?
• О.: В игрании, понеже ему же летити, ему же лгати, ему же сваритися, гневатися, насилствовати, тщеславитися, кичитися естество есть приклонно: зде вред инаврение естественное является.
• В.: Кия же вещи детския естны и во игре приличны суть?
• О.: С никим любопретися, егда же лучится прийти к свару извалити, паче победитися, нежели венец одаления взяти, или возложитися на рассуждения людей, а что друг изобрящет, не быти противу тому никакова начинати мятежя, ниже воплыстовати¹, не крамалитися² никому же тщеты творитися сего ради, брате, егда хощеши играти или ино что творити, помни словеса святого апостола Павла: всяка ярость и напыщение, и гнев, и вопль, и злословие да отымется от вас со всякою злобою.

60

• В.: Чим убо бывает игра утешней?
• О.: Егда с неумеющими играя, аще и можеши всегда побеждати, даси им времени победити тя, или, еда с хуждшим играя не паметуеши, яко честней еси онаго.
• В.: Кия убо игры мусикии суть приличнешия?
• О.: Любити мусикию, сладкопением и игранием на органех всяких остроту ума обучати.
• В.: Подобает ли детищем играющим ставити пенязи, пера, книжицы, завязки и прочая?
• О.: Много сие на дети, понеже сие к татбе окно отверзает и на злая дела обыче быти подущение нравом детским.
• В.: Аще есть благочестно, еже у родителей украсти и глаголати, яко не есть грех?
• О.: Зело злочестно есть, сего ради глаголет Соломон: хищай отца или матерь и мнит не грешити, сей общник есть мужеубийцам.
• В.: О что убо дети играти будут?
• О.: Погубивый по совещанию да сотвори, еже повелит ему победивый его: или храмину уметет, или на руце воды принесет, или стихи некия на памет прочтет; или по совещанию в лопянове венце походит, или ино что сицевое да сотворит.

61