ПОУЧЕНИЕ ВЛАДИМИРА МОНОМАХА (XI в.)

...Седя на санех, помыслих в души своей и похвалих бога, иже мя сих днев грешнаго допровади¹. Да, дети мои, или ин кто, слышав сию грамотицю, не посмейтеся, но кому же любо детий моихъ², а приметь е в сердце свое, и не ленитися начнеть такоже и тружатися: первое, бога деля³ и душа своея, страх имейте божий в сердци своемь и милостыню творя неоскудну, то бо есть начаток всякому добру. Аще ли кому не люба грамотиця си, а не поохритаються⁴, но тако се рекуть: на далечи пути, да на санех седя, безлепицю еси молвил. Усретоша бо мя слы⁵ от братья моея на Волзе, реша: "потъснися⁶ к нам, да выженем Ростиславича и волость их отъимем; еже ли не поидеши с нами, то мы собе будем, а ты собе". И рех: "аще вы ся и гневаете, не могу вы я⁷ ити, ни креста переступити". И отрядив я⁸, взем Псалтырю, в печали разгнух я, и то ми ся выня: "векую⁹ печалуеши, душе? векую смущаеши мя?" и прочая. И потомь собрах словца си любая, и складох по ряду, и написах: аще вы последняя не люба, а передняя приимайте...

Поистине, дети моя, разумейте, како ти есть человеколюбець богь милостив и премилостив: мы, человеци, грешни суще и смертни, то оже ны зло створить, то хощем и пожрети¹⁰ и кровь его прольяти вскоре; а господь нашь, владея и животом и смертью, согрешенья наша выше главы нашея терпить и пакы и до живота нашего, яко отець, чадо свое любя, бья, и пакы привлачить е¹¹ к собе. Такоже и господь нашь показал ны есть на врагы победу, 3-ми делы добрыми избыти его и победити его: покаяньем, слезами и милостынею; да то вы, дети моя, не тяжька заповедь божья, оже теми делы 3-ми избыти грехов своих и царствия не лишитися. А бога деля не ленитеся, молю вы ся, не забывайте 3-х дел тех; не бо суть тяжка; ни одиночьство¹², ни чернечьство¹³, ни голод¹⁴, яко инии добрии терпять, но малым делом улучити¹⁵ милость божью. Что есть человек, яко помниши и¹⁶? Велий еси, господи, и чюдна дела твоя,

34

никакже разум человеческ не можеть исповедати¹ чюдес твоих; и пакы речем; велий еси, господи, и чюдна дела твоя, и благословено и хвално имя твое в векы по всей земли. Иже кто не похвалить, ни прославляеть силы твоея и твоих великых чюдес и доброт устроенных на семь свете; како небо устроено, како ли солнце, како ли луна, како ли звезды, и тма свет, и земля на водах положена, господи, твоим промыслом. Зверье розноличнии. и птица и рыбы, украшено твоим промыслом, господи. И сему чюду дивуемъся, како от персти² создавь человека, како образи разноличнии в человечьскых лицих, аще и весь мир совокупить, не вси в один образ, но кыйже своим лиц образом, по божий мудрости; и сему ся подивуемы, како птица небесныя из ирья³ идуть. и первее [в] наши руце, и не ставятся на одиной земли, но и силныя и худыя идуть по всем землям, божиим повелением, да наполнятся леей и поля; все же то дал бог на угодье человеком, на снедь, на веселье. Велика, господи, милость твоя на нас, яже та угодья створил еси человека деля грешна. И ты⁴ же птице небесныя умудрены тобою, господи: егда повелиши, то вспоють, и человекы веселять тобе; и егда же не повелиши им, язык же имъюще, онемеють. А благословен еси, господи, и хвален зело, всяка чюдеса и ты доброты створив и зделав; да иже не хвалить тебе, господи, и не веруеть всемь сердцем и всею душею во имя отца и сына и святаго духа, да будеть проклят.

Си словца прочитаюче, дети моя, божествная, похвалите бога, давшаго нам милость свою, и се от худаго моего безумья наказанье⁵, послушайте мене, аще не всего приимете, то половину. Аще вы бог умякчить сердце, и слезы своя испустите о гресех своих, рекуще: якоже блудницю и разбойника и мытаря помиловал еси, тако и нас грешных помилуй; и в церкви то дейте и ложася. Не грешите ни одину же ночь, аще можете, поклонитися до земли; а ли вы ся начнеть не мочи, а трижды; а того не забывайте, не ленитеся, тем бо ночным поклоном и пеньем человек побежаеть дьявола, и что в день согрешить, а тем человек избываеть. Аще и на кони ездяче не будеть ни с кым орудья⁶, аще инех молитв не умеете молвити, а "господи помилуй" зовете бес престани, втайне; та бо есть молитва всех лепши⁷, нежели мыслити безлепицю ездя. Всего же паче убогых не забывайте, но елико могуще по силе кормите, и придавайте сироте⁸, и вдовицю оправдите сами, а не вдавайте силным погубити человека. Ни права, ни крива не убивайте, ни повелевайте убити его, аще будеть повинен смерти; а душа не погубляйте ни какояже хрестьяны.

35

Речь молвя че, и лихо и добро, не кленитеся богомь, ни хреститеся, нету бо ти нужа никоеяже; аще ли вы будете крест целовати к братьи, или к кому, а ли управивъше сердце свое¹, на немже можете устояти, тоже целуйте, целовавше блюдете, да не, приступим, погубите душе своее². Епископы, и попы, и игумены с любовью взимайте от них благлословенье, и не устраняйтеся от них, и по силе любите и набдите³, да приимите от них молитву от бога. Паче всего гордости не имейте в сердци и в уме, но рцем: смертни есмы, днесь живи, а заутра в гробе; се все, что ны еси вдал, не наше, но твое, поручил ны еси на мало дний; и в земли не хороните, то ны есть велик грех. Старыя чти яко отца, а молодыя яко братью.

В дому своемь не ленитеся, но все видите; не зрите на тивуна, ни на отрока, да не посмеются приходящий к вам и дому вашему, ни обеду вашему. На войну вышед, не ленитеся, не зрите на воеводы; ни питью, ни еденью не лагодите⁴ ни спанью; и стороже сами наряживайте, и ночь, отвсюду нарядивше около вой, тоже лязите, а рано встанете; а оружья не снимайте с себе вборзе⁵, не розглядавше ленощами, внезапу бо человек погыбаеть. Лже блюдися и пьяньства и блуда, в том бо душа погыбаеть и тело. Куда же ходяще путем по своим землям, не дайте пакости, деяти отроком, ни своим, ни чюжим, ни в селех, ни в житех⁶, да некляти вас начнуть. Куда же пойдете, идеже станете, напойте, накормите унеина⁷, и боле же чтите гость, откуду же к вам придеть, или прост, или добр⁸, или сол⁹, аще не можете даром¹⁰, брашном¹¹ и питьемь: ти бо мимоходячи прославять человека по всемь землям, любо добрым, любо злым. Болнаго присетите; над мертвеця идете¹², яко вси мертвени¹³ есмы; и человека не минете, не привечавше, добро слово ему дадите. Жену свою любите, но не дайте им над собою власти. Се же вы конець всему: страх божий имейте выше всего; аще забываете всего, а часто прочитайте: и мне будеть бе - сорома¹⁴, и вам будеть добро. Егоже умеючи, того не забывайте доброго, а егоже не умеючи, а тому ся учите, якоже бо отець мой, дома седя, изумеяше¹⁵ 5 язык, в том бо честь есть от инех

36

земль. Леность бо всему мати: еже умееть, то забудеть, а егоже не умееть, а тому ся не учить; добре же творяше, не мозите ся ленити ни на что же доброе, первое к церкви: да не застанеть вас солнце на постели; такс бо отець мой деяшеть блаженный и вси добрии мужи свершении; заутренюю отдавше богови хвалу и потом, солнцю въсходящю и узревше солнце, и прославити бога с радостью, и рече: просвети очи мои, Христе боже, иже дал ми еси свет твой красный, и еще: господи, приложи ми лето к лету, да прок грехов своих покаявъся, оправдив живот¹, тако похвалю бога; и седше думати² с дружиною, или люди оправливати³, или на лов⁴ ехати, или поездити, или лечи спасти: спанье есть от бога присужено полудне, от чин⁵ бо почивает и зверь, и птици, и человеци.

А се вы поведаю, дети моя, труд свой, оже ся есмь тружал, пути дея⁶ и ловы 13 лет...

А всех путий 80 и 3 великих, а прока⁷ не испомню менших... А се тружахься ловы дея... А се в Чернигове деял есм: конь диких своима рукама связал есмь в пушах⁸ 10 и 20 живых конь, а кроме того же, по Роси ездя, имал есм своима рукама теже кони дикие. Тура мя 2 метала на розех и с конем, олень мя один бол⁹, а 2 лоси, один ногами топтал, а другый рогома бол; вепрь ми на бедре мечь оттял, медведь ми у колена подъклада¹⁰ укусил, лютый зверь скочил в ко мне на бедры и конь со мною поверже; и бог неврежена мя съблюде. И с коня много падах, голову си розбих дважды, и руце и нозе свои вередих, в уности своей вередих, не блюда¹¹ живота своего, не щадя головы своея. Еже было творити отроку моему, то сам есмь створил, дела на войне и на ловех, ночь и день, на зною и на зиме, не дая собе упокоя; на посадникы не зря, ни на биричи, сам творил что было надобе, весь наряд и в дому своемь то я творил есмь; и в ловчих ловчий наряд сам есмь держал, и в конюсех и о соколехь и о ястрябех; тоже и худаго смерда и убогые вдовице не дал есм силным обидети, и церковнаго наряда и службы сам есм призирал. Да не зарите ми¹², дети мои, ни ин, кто прочет, не хвалю бося ни дерзости своея¹³, но хвалю бога и прославьляю милость его, иже мя грешнаго и худаго селимо лет сблюд от тех час

37

смертных и не ленивамя был створил, худаго, на вся дела человечьская потребна. Да ею грамотицю прочитаючи, потьснетеся¹ на вся дела добрая, славяше бога с святыми его. Смерти бо ся, дети, не боячи, ни рати, ни от звери, но мужьское дело творите, како вы бог подасть; оже бо яз от рати, и от звери, и от воды, от коня спадаяся, то никтоже вас не можеть вредитися и убити, понеже не будет от бога поведено; а иже от бога будеть смерть, то ни отець, ни мати, ни братья не могуть отъяти, но оче² добро есть блюсти, божие блюденье леплее³ есть человечьскаго...

Там же. - С. 35-40.

38

---