ЛЕТОПИСНЫЕ ИЗВЕСТИЯ
О ПРОСВЕЩЕНИИ В КИЕВСКОЙ РУСИ

В лето 6406 (898)... Бе един язык словенеск: словени, иже седяху по Дунаеви, их же прияша, угри, и мурава, и чеси, и ляхове, и поляне, яже ныне зовомая русь. Сим бо первое преложены книги мораве, яже прозвася грамота словеньская, яже грамота есть в Руси и в болгарех дунайских.

Повесть временны́х лет. Часть первая / Подг. текст Д.С. Лихачев. - М.; Л., 1950. - С. 21.

В лето 6496 (988). (Володимер)... повеле рубити церкви и поставляти по местом, идеже стояху кумири. И постави церковь святаго Василья на холме, идеже стояше кумир Перун и прочий, идеже творяху

27

потребы князь и людье. И нача ставити по градом церкви и попы, и люди на крещенье приводити по всем градом и селом. Послав, нача поимати у нарочитые чади дети1, и даяти нача на ученье книжное. Матере же чад сих плакахуся по них, еще бо не бяху ся утвердили верою2, но акы по мертвеци плакахуся.

Сим же раздаяном на ученье книгам, събысться пророчество на Русьстей земли, глаголющее: "Во оны днии услышать глусии словеса книжная, и ясн будеть язык гугнивых".

Там же. - С. 81.

В лето 6538 (1030). Родися Ярославу четвертый сын, и нарече имя ему Всеволод. Того же лета иде Ярослав... к Новугороду, и собрав от старост и от презвитеров детей 300, и повеле учити книгам.

Полное собрание русских летописей. - СПб., 1862. - С. 74.

В лето 6545 (1037). Заложи Ярослав город великый, у него же града суть Златая врата; заложи же и церковь святыя Софья... И при сем нача вера хрестьянська плодитися и раширяти, и черноризъци почаша множитися, и монастыреве починаху быти. И бе Ярослав любя церковныя уставы, попы любяще повелику, излиха же черноризьце3, и книгам прилежа, и почитая е часто в нощи и в дне. И собра писце многы и прекладаше от грек на словеньское писмо. И списаша книгы многы, ими же поучащеся вернии людье наслажаются ученья божественаго. Якоже бо се некто землю разореть, другый же насееть, ини же пожинають и ядять пишю бескунду, - тако и сь. Отець бо сего Володимер землю взора и умягчи, рекше крещеньем просветив. Сь же насея книжными словесы сердца верных людий, а мы пожинаем, ученье приемлюще книжное.

Повесть временных лет. - С. 81.

Велика бо бываеть полза от ученья книжного; книгами бо кажеши и учиши есмы пути покаянью, мудрость бо обретаем и въздержанье от словес книжных. Се бо суть рекы, напаяюще вселеную, се суть исходиша мудрости; книгам бо есть неищетная глубина; сими бо в печали утешаеми есмы; си суть узда въздержанью... Аще бо поищеши в книгах мудрости прилежно, то обрящеши велику ползу души своей. Иже бо книгы часто чтеть, то беседуеть с богомь или святыми мужи.

Ярослав же сей, якоже рекохом, любим бе книгам, и многы написав положи в святей Софьи церкви, юже созда сам... И ины церкви

28

ставляше по градом и по местом, поставляя попы и дая им от именья своего урок1, веля им учити люди, понеже темь есть поручено богомь, и приходити часто к церквам.

29


1 Через посланных людей стал брать детей у знатных (лучших) дружинников.
2 Потому что еще не тверды были в вере.
3 Сильно любил попов, особенно же монахов.
1 Уреченное, назначенное (т. е. определенное содержание).
Lib4all.Ru © 2010.
Корпоративная почта для бизнеса Tendence.ru